Vandring og fjellturar i Voss Resort
I fjella som omringer Voss Resort finn ein turstier som passer for alle.
Enten du ynskjer lange eller korte turar er Voss Resort eit perfekt utgangspunkt for vandring i fjella. Her finn ein fleire merka stiar som passer for dei fleste.
Kom deg raskt til topps
Voss Gondol tek deg frå Voss Stasjon (56 moh) til Hangurstoppen (820 moh) på under 9 minutt. Hangurstoppen er eit ypperleg startpunkt for vandring i fjellet, anten ein ynskjer korte eller lange turar.
Med Hangurstoppen som utgangspunkt
Området på og rundt Hanguren er flott å gå i uansett alder og form; ein vel sjølv kor mykje ein vil gjere ut av det. Her finn ein stiar som høver små barneføter, og turar for dei som ynskjer ei ekstra utfordring for både musklar og kondisjon. Uansett kvar du går får du fin natur og vakker utsikt med på kjøpet!
Ynskjer du ein lett og kort tur; prøv Hanguren Panorama. Ein flott rundtur på ca. 800 meter, like ved toppstasjonen for gondolen. Her kan du og ta med deg rullestol eller barnevogn og du har fleire “instaspots” langs ruta. Ein kan og gå ned til den “gamle” Hangursrestauranten. Her får ein flott panoramautsikt over Voss sentrum og Vangsvatnet. Ynskjer du ein litt lengre tur, kan du gå vidare til Mølstertunet og evt. Voss sentrum herfrå. Frå Hanguren har ein og anledning til å gå vidare til Røde Kors hytta der ein kan ta seg eit forfriskande bad i Valbergstjørni eller ein kan gå lengre turar som til Raugstad, Lønahorgi eller Bavallen.
I vandrekartet vårt har me lista opp 12 turar med ulik lengde og vanskegrad. Ta ein titt og finn turen som passer for deg!
